Xorazm viloyati Urganch shahridagi Alohida ta'lim ehtiyojlari bo'lgan (kar va zaif eshituvchi) bolalar uchun ixtisoslashtirilgan 32-sonli maktab-internatining boshlang'ich fani o'qituvchisi M.Allaberganova tomonidan “Yangi yil — yangi umidlar” mavzusida Yangi yil ertaligi tashkil etildi. Mazkur bayram tadbirida maktab-internat rahbariyati, pedagog xodimlar, tarbiyachilar hamda o'quvchilar faol ishtirok etdilar. Tadbir bayramona ruhda o‘tkazilib, unda o‘quvchilar tomonidan Yangi yilga bag‘ishlangan she’rlar aytildi, raqslar ijro qilindi. Shuningdek, tadbir doirasida imo-ishorada qo‘shiq ijro etish, “Kim ekan?” nomli intellektual-ko‘ngilochar shou, qiziqarli o‘yinlar va musobaqalar tashkil etildi. Yangi yil ertaligi ishtirokchilarda yuqori kayfiyat hamda ijobiy taassurotlar qoldirdi.