“Besh tashabbus paralimpiadasi” sport musobaqalarining tantanali taqdirlash marosimi bo‘lib o‘tdi
Toshkent shahrining Olimpiya shaharchasida o‘tkazilgan
“Besh tashabbus paralimpiadasi” sport musobaqalarida Qoraqalpog‘iston Respublikasi, viloyatlar va Toshkent shahridan jami 400 nafar maxsus maktab-internatlar o‘quvchi-sportchilari ishtirok etdi.
Qizg‘in bahs va murosasiz bahslarga boy o‘tgan musobaqa jarayonlari chinakamiga sabr, iroda va jasorat maydoniga aylandi.Shunday qilib, 2025-yilgi "Besh tashabbus paralimpiadasi" sport musobaqalarining II mavsumida umumjamoa hisobida:
5 ta oltin, 2 ta kumush va 1 ta bronza medalini qo‘lga kiritgan Buxoro viloyati jamoasi birinchi o‘rinni egalladi.
Ikkinchi o‘rin 5 ta oltin, 1 ta kumush va 2 ta bronza medalini qo‘lga kiritgan Toshkent viloyati jamoasiga nasib etdi.
Kuchli uchlikni esa, 3 ta oltin, 4 ta kumush medalini qo‘lga kiritgan Andijon viloyati yakunlab berdi.
Musobaqa g‘olib va sovrindorlariga medal, diplom va esdalik sovg‘alari topshirildi.
